Klimadinon® dori vositasi haqida hamma narsani bilamiz deya olamizmi?
Klimadinon® — bu yengil va o‘rta darajadagi menopauza belgilarini yengillashtirish uchun mo‘ljallangan Germaniya o‘simlik dori vositasidir. Bu yerda gap "erta" klimakterik alomatlar, ya’ni qizib ketishlar ("prilivi") va ko‘p terlash, tungi vaqtda tez-tez uyg‘onish, uyquga ketishning qiyinlashishi, tez charchash, bosh og‘rig‘i va asabiylik haqida bormoqda. Siydik chiqarish tizimidagi buzilishlar, shilliq qavatlarning quruqligi, bo‘g‘im va mushaklardagi og‘riqlar, osteoporoz esa klimakterik sindromning "o‘rta muddatli" va "kechki" belgilaridir. Ayollar klimakterik belgilarni korreksiya qilishga muhtoj, biroq ularning faqat oz qismigina menopauzal gormonal terapiyani (MGT) oladi. Qolganlar esa gormonofobiya (gormonlar bilan davolanishdan qo‘rqish), nojo‘ya ta’sirlar, qarshi ko‘rsatmalarning mavjudligi (xususan, reproduktiv a’zolarning gormonga bog‘liq saratoni) va boshqa sabablarga ko‘ra uni qabul qilmaydi.
Shu sababli, ko‘plab ayollar uchun menopauzal terapiyani gormonal bo‘lmagan o‘simlik dori vositasi — Klimadinon® bilan boshlash tavsiya etiladi.
Klimadinon® preparatining ishlab chiqaruvchisi — "Bionorica SE" kompaniyasidir. Kompaniya dunyoning turli universitetlaridagi yetakchi ilmiy-tadqiqot markazlari va olimlar bilan hamkorlik qiladi. Shuning uchun Klimadinon® tavsiya etilgan ayollar preparatning samaradorligi va xavfsizligiga ishonch hosil qilishlari mumkin.
Patentlangan tarkib
Klimadinon® patentlangan texnologiya bo‘yicha ishlab chiqariladigan Sitsifuga (Cimicifuga racemosa) BNO 1055 ildizpoyasining maxsus quruq ekstraktini o‘z ichiga oladi.
Sitsifuga — tipik alomatlarga nisbatan o‘zining shifobaxsh xususiyatlari bilan keng tanilgan o‘simlikdir.
Klimadinon® preparatining shifobaxsh ta’siri Sitsifuga (CR BNO 1055 = Klimadinon®) ekstraktining o‘ziga xosligi tufayli erishiladi. Aynan Sitsifuganing ushbu turining samaradorligi va xavfsizligi xalqaro randomizatsiyalangan tadqiqotlarda tasdiqlangan.
Klimadinon® preparatining, shuningdek, "Bionorica" kompaniyasining barcha preparatlarining asosiy ustunligi — bu STANDARTLASHTIRISH! Bu shuni anglatadiki, har bir tabletkada yoki eritma dozasida preparatning samaradorligi va xavfsizligi uchun javob beradigan biologik faol moddaning qat’iy belgilangan miqdori mavjud.
Organizmga ta’siri
Estrogenlar ishlab chiqarilishining kamayishi serotonin darajasining pasayishiga olib keladi, bu esa o‘z navbatida klimakterik sindromning psixovegetativ belgilarini (qizib ketishlar, terlash, asabiylik, yig‘loqilik, uyqusizlik, parishonxotirlik) rivojlanishiga sabab bo‘ladi.
Klimadinon® preparati markaziy ta’sir mexanizmiga ega bo‘lib, u periferik estrogen retseptorlariga ta’sir qilmaydi.
Klinik tadqiqot ma’lumotlari shuni tasdiqlaydiki, Klimadinon® qondagi serotonin darajasini oshirish hisobiga yengil va o‘rta og‘irlikdagi menopauza belgilarining yaqqolligini samarali kamaytiradi.
Klimadinon® preparatini qabul qilish natijasida qondagi serotonin darajasi 35% ga sezilarli darajada oshishi va buning natijasida klimakterik sindrom namoyon bo‘lishining og‘irligi samarali kamayishi isbotlangan. Klimadinon® estrogenga o‘xshash ta’sirga ega, lekin shu bilan birga u ayol organizmidagi estrogen retseptorlari bilan bog‘lanmaydi.
Klinik tadqiqotlar natijasida Klimadinon® preparati endometriy va sut bezlarida patologik o‘zgarishlarni keltirib chiqarmasligi aniqlangan. Klimadinon® preparatini qabul qilish, shuningdek, suyak to‘qimasini muddatidan oldin yemirilishidan himoya qiladi va shu orqali osteoporoz rivojlanishining oldini oladi.
E’lon qilingan ilmiy maqolalarda Simisifuganing standartlashtirilgan preparati — Klimadinonning samaradorligi gormonal davolashga munosib muqobil sifatida baholanadi.
Klimadinon® preparatining afzalliklari.
Klimadinon® asosiy klimakterik simptomlarning namoyon bo‘lishini samarali kamaytiradi:
Menopauzaning odatda uchraydigan simptomlarida samarali: issiqlik quyulib kelishi (prilivlar), ko‘p terlash, uyqu buzilishlarida yordam beradi.
Tungi uyg‘onishlar sonini kamaytiradi. Preparatni qabul qilish fonida uyqu xotirjamlashadi, ayol tunda bevaqt uyg‘onmasdan orom oladi.
Vegetativ asab tizimi funksiyasini normallashtiradi va kayfiyatni yaxshilaydi.
Suyak to‘qimasining zichligini yaxshilaydi, bu esa osteoporozning oldini olishga xizmat qiladi.
Samaradorligi bo‘yicha konyugatsiyalangan estrogenlar bilan tenglashadi.
Ilmiy tadqiqotlar davomida isbotlangan samaradorlik va xavfsizlikka ega. Xususan, Klimadinon® preparati bilan 52 haftalik davolanishdan so‘ng endometriy proliferatsiyasi va sut bezi to‘qimasi zichligining oshishi kuzatilmagan.
Ham shifokorlar, ham bemorlar davolash muvaffaqiyatini va preparatning juda yaxshi o‘zlashtirilishini qayd etishadi. Dorixonalarda Klimadinon® bir o‘ramda 60 dona tabletka holida sotiladi. Shu bilan birga, preparatning faqat bitta qarshi ko‘rsatmasi mavjud – asosiy yoki yordamchi komponentlarga nisbatan yuqori sezuvchanlik.
Klimadinon® qachon va qanday qo‘llaniladi.
Xavfsizlik profili yaxshi bo‘lgani sababli, Klimadinon® uzoq muddatli terapiya uchun mos keladi. Dastlabki natijani preparatni muntazam qabul qilishning 2-haftasidan so‘ng kutish mumkin. Klimadinon® shifokor nazoratisiz 3 oydan ortiq kursga tayinlanishi mumkin. Klimadinon kuniga 2 mahal (ertalab va kechqurun) 1 tabletkadan qo‘llaniladi.
Klimadinon® preparatini kimlar qo‘llashi kerak:
- 45 yoshdan oshgan, odatiy klimakterik buzilishlardan shikoyat qiluvchi ayollar.
Bunday ayollar dorixonaga biologik faol qo‘shimchalar (BFQ), sedativ (tinchlantiruvchi) vositalar, antidepressantlar, "yoshga doir" vitamin-mineral komplekslari va kosmetika sotib olish uchun kelishadi. Ularga tekshirilgan dori vositasi hisoblangan Klimadinon®ni tavsiya qilish maqsadga muvofiqdir. Klimadinon gormonlarsiz, ammo gormonlarga o‘xshash ta’sirga ega bo‘lgan holda, odatiy menopauzal simptomlarni yumshoq va samarali bartaraf etadi. U yuqoridagi vositalar kabi faqat simptomlarga ta’sir qilib qolmay, balki buzilish patogeneziga (kelib chiqishiga) ta’sir ko‘rsatadi. Bundan tashqari, Klimadinon® ularni boshqa vositalar bilan muvaffaqiyatli uyg‘unlashtirishi mumkin.
- Muayyan sabablarga ko‘ra (qarshi ko‘rsatmalar, menopauzal gormonal terapiya (MGT) ning nojo‘ya ta’siri) gormonlarni qabul qila olmaydigan va/yoki (qarashlari, afzalliklari tufayli) qabul qilishni istamaydigan 45 yoshdan oshgan ayollar.
Bular shifokor dastlab MGTni tavsiya qilgan, ammo muqobil davolash usulini izlab kelgan ayollardir.
Menopauza – bu har bir ayol organizmida ma’lum yoshda sodir bo‘ladigan, jinsiy gormonlar ishlab chiqarilishining fiziologik pasayishi natijasida kelib chiqadigan tabiiy jarayondir. Klimadinon® ushbu davrni munosib va qulay o‘tkazishga yordam beradi. Klimadinon® — bu nafaqat klimakterik simptomlarni bartaraf etish, balki ayol hayotining yangi sifati demakdir!
Adabiyotlar:
Препарат Климадинон® при климаксе. https://klimadynon.mastopatiaforum.ru/
Т. Ю. Егорова. Фитоэстрогены в лечении климактерических нарушений в перименопаузе. «Журнал ГрГМУ» №2, 2006
Инструкция по медицинскому применению лекарственного препарата Климадинон® для специалистов